115. Íslandsglíman fer fram í íþróttamiðstöðinni í Búðardal laugardaginn 11. apríl klukkan 14:00.
Þar mun okkar fremsta glímufólk etja kappi og reyna að ná í eftirsóttasta verðlaunagrip glímunnar.
Í kvennaflokki er keppt um Freyjumenið en hlýtur sigurvegarinn sæmdarheitið glímudrottning Íslands.
Í karlaflokki er keppt um Grettisbeltið, elsta verðlaunagrip á Íslandi, og hlýtur sigurvegarinn sæmdarheitið glímukóngur Íslands.
Fróðleiksmolar um Íslandsglímu
– Fyrsta Íslandsglíman fór fram á Akureyri árið 1906.
Fyrsti glímukóngur Íslands var Ólafur Valdimarsson frá Vopnafirði.
– Fyrsta Íslandsglíma kvenna fór fram 18. júní 2000. Þá kepptu ellefu stúlkur um Freyjumenið og hafa aldrei verið fleiri.
Inga Gerða Pétursdóttir frá Reykjahlíð í Mývatnssveit varð fyrsta glímudrottning Íslands.
– Svana Hrönn Jóhannsdóttir og Marín Laufey Davíðsdóttir hafa báðar unnið Freyjumenið sex sinnum.
– Ármann J. Lárusson hefur oftast unnið Grettisbeltið, eða fimmtán sinnum á árunum 1952-1967.
– Núverandi glímudrottning er Kristín Embla Guðjónsdóttir frá Reyðarfirði, en hún hefur unnið mótið fjórum sinnum.
– Núverandi glímukóngur er Hákon Gunnarsson frá Reyðarfirði, en hann varð glímukóngur í fyrsta sinn 2025.
Myndir frá Íslandsglímu 2025
Myndir: Antanas Šakinis Photography
